Mahiya naman kayo
Kapal ng mukha –
Kinongkreto ng bilyong kontrata,
Kinupit, sinimot proyekto
sa baha.
Kalam ng sikmura –
Katakawang walang
kabusugan
Pati daan pa-bukid kinamkam.
Tibay ng dibdib –
Pamilya sa pandarambong isinama
Walang pakundangan pang
ibinandera.
Mahiya naman kayo.
Taingang kawali –
Dayunyor kausap mo wari
Ay, sa pundilyo mo pa
nakatali.
Mahiya naman kayo.
Ano’ng kahihiyang mahihita pa
Sa taong ganid sa kapangyarihan
at pera?
No comments:
Post a Comment