Anti ya mong bulung

 

Anti ya mong bulung

Melanat, melagas

Digpa ya qng gabun,

Melaso yang ganap.

Balang patingapun

Mabilis milabas

Napun, nacadduana

Miras ya ing bucas.

 

Calagua ning aldo

Cabilis ning oras

Qng cuyad niting bie

Macabang paninap

Bula ya mo wari

Caaslag pinanari

Silapo ning angin

Mitdas ya qng pali.

 

Oras e sayangan 

Queiang pagdulapan

Matas mang pangarap

Queca nang abutan.

Nanu mang carasan

Miras qng caualan

Catda ning quecang bie

Tacda ning Miglalang.