Alcalde ning San Simon
Bewalan ing pamagluyun
Cambe ning pamanacut
Caring masias a buntuc.
Panaun ning Covid canita
Masampat mung mamintu ca
Qng caburian at utus na
Maca-ustu’t macatud ‘ya.
Singquildap panaun milabas
Pandemiang pitacutan
linipas
Meto yatu anti’ng selda
mibuclat
Matua’t anac luyun-luyun, calat-calat.
Qng pamagbalic ning sigla,
Quecatang alcalde mibagua
Aro, cabaragbag ya pu
guewa
Ombudsman, sanggunian
metulala
Anti-Graft, carelang
guilisac
Suspension nang Abundio
mipasiag
E mu misan nune makata-apat
Qng municipio ya rugu
miculdas.
Dapot, atin ya mo waring
birtud
Qng suerti parati nia mung
tutud
Nanu mang casu caya mianud
Acabiusan nang alang
patlud.
Oita na pin ing meganap
Abundio lalu yang miglipagpag
Mipmung saquit, mipmung
caplas
Caring memalen, negosyante
miras.
Alang tacut nanu pa man
Qng Ombudsman, sanggunian
Nanu mang casu queyang atacpan
Qng macananung paralan e
agiung isipan.
“Hubris” – qng asta ng
Abundio ing aus da
Capalaluan, dala ning
suerti caring casu na.
“Nemesis” ara naman quetang
capupusan
Macariquil datang qng nanu
mang calabisan.
Qng palalung capagnasan acalinguan
“Ali cayu, calat-calat” babala
nang licuan
Carin qng Clark miglaiunan
Oita na pin quepaliarian.
Bultung cualta qng lamesa
Aisip mung dumanup pa?
Dapot rugo, alti’ng digpa
Dimput re pu ring sicreta.
Ing carma, calagua na
Ding netizen arapaia
Calat-calat binawal na
Cang Abundio miras caya.
Pangaracap mibulalag
Cang Abundio pin meganap
Camarinaian e mu micalat-calat
Tune nang pangatau misalbag.
Vandalized mural of Mayor Punsalan. contributed photo
No comments:
Post a Comment